عاوز تبقى رخم اتفضل معانا :)

من طرف Anakonda الجمعة أغسطس 21, 2009 4:49 am

هات بخاخه مطهر ديتول و أمشى ورا شخص ما فى اى حته ، و كل ما الشخص ده يمسك حاجه و يسيبها ... تروح راششها بالمطهر على طول.

و أنت بتتكلم فى موضوع أقطع كلامك و أدى انطباع أنك هاتكمل ... و ماتكملش ..."بس خلاص كده " .

كل ما حد يقولك حاجه عيدها بصيغه سؤال ، مثلا هايقولك "مش أنا اتجوزت" قوله "أتجوزت؟!" هايقولك "اه الشهر اللى فات" قوله " الشهر اللى فات؟!" ..... و هكذا .

و أنت واقف بتتكلم مع حد برق عينيك فجأه و أسأله "سمعت؟!" هيسألك "سمعت ايه؟!" قوله ولا حاجه ... خلاص راحت .
بعد عشر دقايق ، اعمل نفس الحركه تانى .

و انت بتتكلم مع شخص ما ، ماتبصش فى وشه أبدا .

أو افضل مركز فى وشه اوى .

طول ما أنت قاعد مع زمايلك ، صفر موسيقى نشيد بلادى بلادى .

علق فانوس كبير فى الشارع و حبال زينه ، بشرط ميكونش فى رمضان !!! .

أتكلم مع الناس بصوت الروبوت .

أستلف قلم من حد ، وحط القلم فى بقك ، و أعمل نفسك بتفكر و منهمك و أنت عمال تعضعض فى القلم !!! .

فى المترو امضغ لبانه بصوت عالى و انت واقف جنب حد بيقرا مجله او جرنان ، و أنت بتقرا معاه طبعا .

اعزم ناس فى حفلات ناس تانيه "عيد ميلاد او خطوبه او فرح ..." .

سيب اشاره العربيه الشمال شغاله لمده 5 كيلو متر من غير ماتلف .. و بعدين اطفيها فجأه و كمل طوالى !!! .

أول ماتشوف كيس كاتشب واقع عالأرض دوس عليه برجلك جامد و قول للى معاك "أنا كنت بشوفه فاضى و لا مليان" !!! .

لو واقف جنب حد بيعد فلوس و فى وسط ما هوا بيعد قول اى رقم عشوائى "862" .

العب فى الوان التليفزيون لحد ما الصوره تبقى بنفسجى ، وتبقى الناس كلها لونها بنفسجى ، و اعزم اصحابك عالماتش عندك فى البيت .. و لو حد اعترض ، قوله "أنا شايف ان ده لون الحياه الحقيقى" !!! .

و أنت ماشى فى حته اى حاجه تقابلك طبل عليها .

غير القناه قبل نهايه الفيلم او الماتش او المسلسل بخمس دقايق

يالا هيصوا مظبطاكوا انا ف الرخامه هههههههههههه

ياربىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى دا انتقاااااااااااااااااااااااااااااااااااااااااام

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

لا ابداااااااااااااااااااااااااااااااااااااااااااااا مش عاوزة ابقى رخمهــ
شكرا على موضوعك المبدع

العـــــــــــاشقه المجروحه

عاوز تبقى رخم اتفضل معانا :)

عاوز تبقى رخم اتفضل معانا :)

رد: عاوز تبقى رخم اتفضل معانا :)

رد: عاوز تبقى رخم اتفضل معانا :)